ខ្មែរក្រោមជាសាក្សីរស់ដែលវៀតណាមចាប់ដាក់គុក បានចូលបង្ហាញខ្លួនក្នុងវេទិកាជនជាតិដើមនៅអង្គការសហប្រជាជាតិ
អតីតអ្នកបួសខ្មែរក្រោម ៣ រូបដែលបានរួចផុតពីការជាប់គុកនៅប្រទេសវៀត ណាមបានចូលបង្ហាញខ្លួនជាសាក្សីរស់ នៅក្នុងកិច្ចប្រជុំនៃវេទិកាអចិន្ត្រៃយ៍ ស្តីពីជនជាតិដើម លើកទី ៩ ដែលរៀបចំឡើងដោយអង្គការសហប្រជាជាតិនាបុរីញ៉ីវយ៉ក កាលពីថ្ងៃច័ន្ទ ទី ២៦ ខែមេសា កន្លងមកនេះ ។
លោក ថាច់ ង៉ុក ថាច់ នាយកប្រតិបត្តិនៃសហព័ន្ធខ្មែរកម្ពុជាក្រោមបានឲ្យដឹងថា អតីតចៅអធិការវត្តភ្នំដិនខាង ជើង នៃខេត្តតាកែវ ទឹម សាខន និងឧទ្ទេសាចារ្យពីររូបទៀតគឺ លោក យ័ញ តូន និង លោក គឹម មឿន ត្រូវបានបង្ហាញខ្លួន នៅក្នុងកិច្ចប្រជុំរបស់ក្រុមយុវជននៃប្រទេសដែលជាសមាជិក ក្នុងទី្វបអាស៊ីនៃអង្គការរបស់ជនជាតិដែលគ្មានអាសនៈតំណាងក្នុងសហប្រជាជាតិហៅកាត់ថា UNPO ដែលបានការទទួលរាក់ទាក់ពីសមាជិកវេទិកានោះផង ។ » អានបន្ថែម »
ខ្មែរក្រោមភាគច្រើនមិនអាចទៅលេងស្រុកពេលចូលឆ្នាំ
ប្រភពពីក្រុមអ្នកការពារសិទ្ធិមនុស្សខ្មែរក្រោម ឲ្យដឹងថា មានប្រជាពលរដ្ឋខ្មែរក្រោមតិចតួចបំផុតដែលបានចូលទៅកម្សាន្តសប្បាយ រីករាយ ជួបជុំញាតិសន្ដានរបស់ខ្លួន នៅក្នុងទឹកដីខ្មែរកម្ពុជាក្រោម ដែលកំពុងកាន់កាប់ដោយវៀតណាម ឬហៅថា វៀតណាមខាងត្បូង កាលពីអំឡុងពេលចូលឆ្នាំប្រពៃណីខ្មែរកន្លងទៅនេះ។
អ្នកដែលបានចូលទៅដល់ទីនោះទៀតសោត បានរាយការណ៍មកថា អាជ្ញាធរវៀតណាម បានរឹតត្បិតដកហូតយកលិខិតឆ្លងដែន ហើយបានធ្វើសកម្មភាពតាមដានជាប្រចាំ និងមិនឲ្យស្នាក់អាស្រ័យយូរតាមចិត្តចង់ឡើយ។ » អានបន្ថែម »
សួស្តីឆ្នាំថ្មី ឆ្នាំខាល ទោស័ក ព.ស ២៥៥៤
ដំណើរឆ្ពោះទៅកាន់មាតុភូមិ
សូមថ្វាយបង្គំព្រះថេរានុត្ថេរៈគ្រប់ព្រះអង្គ ជាទីសក្ការៈដ៏ខ្ពង់ខ្ពស់
យើងខ្ញុំ សូមជំរាបសួរបងប្អូនជនរួមឈាមជាទីគោរពស្នេហា
សួស្តីឆ្នាំថ្មី! ឆ្នាំខាលទោស័ក ព. ស. ២៥៥៤
ឆ្នាំថ្មីប្រពៃណីជាតិខ្មែរយើងនិងរៀបចំពិធីគោរពទិវាទទួលទេវតាឆ្នាំថ្មីព្រះនាម មណ្ឌាទេវី ពិធីស្រង់ព្រះ និង លេងល្បែងកំសាន្តប្រពៃណីជាដើមតាមទំនៀមទំលាប់ដូនតារៀងមក ។ ចំណែកនៅកម្ពុជាក្រោមឯណោះវិញ ល្បែងកំសាន្តប្រពៃណីទាំងនោះ មិនមានដូចនៅប្រទេសកម្ពុជាទេដោយសាររបបអណានិគម និងសង្គ្រាមរ៉ាំរៃ បានធ្វើឲ្យប្រពៃណីនិងវប្បធម៌ទាំងនោះរលាយបន្តិចម្តងៗ ។ នេះជាយុទ្ធសាស្រ្តរំលាយពូជសាសន៍ខ្មែររបស់មេ ដឹកនាំយួន ។ » អានបន្ថែម »
សមត្ថកិច្ចឃាត់ខ្លួនក្មេងចែកចាយកាសែតព្រៃនគរម្នាក់
ក្មេងចែកផ្សាយសារព័ត៌មានព្រៃនគរម្នាក់ ត្រូវបានអាជ្ញាធរនគរបាលឃាត់ខ្លួនសួរនាំមួយរយៈពេលខ្លី មុននឹងអនុញ្ញាតឱ្យត្រឡប់ទៅផ្ទះវិញ កាលពីថ្ងៃទី៥ ខែមេសា ឆ្នាំ២០១០។
ចាងហ្វាងការផ្សាយនៃសារព័ត៌មានព្រៃនគរ លោក លី ឈូន ថ្លែងឲ្យដឹងនៅថ្ងៃទី៦ មេសា ថា ការឃាត់ខ្លួនក្មេងចែកចាយកាសែតម្នាក់នោះ បានកើតឡើងដោយសារតែគាត់បានចែកផ្សាយសារព័ត៌មានព្រៃនគររហូតដល់ ម៉ោង ៧យប់។
លោកមានប្រសាសន៍បន្ថែមថា ៖ «ក្មេងហ្នឹងគឺខាងបណ្ដាញ សារព័ត៌មាន ខ្ញុំ ឱ្យផ្សព្វផ្សាយសារព័ត៌មានព្រៃនគរ។ កាសែតដែលខ្ញុំបានបោះទៅតាមតូច តាមទីផ្សារហើយវានៅសល់ អ៊ីចឹងឲ្យក្មេងផ្សព្វផ្សាយដើម្បីឲ្យកម្រៃវាសម្រាប់រៀនសូត្រ។ ផ្សព្វផ្សាយរហូតដល់ម៉ោង ៧យប់ សមត្ថកិច្ចឃើញអ៊ីចឹងក៏បានចាប់ក្មេងហ្នឹងទៅ…»។ » អានបន្ថែម »
ពលរដ្ឋខ្មែរខេត្តព្រះត្រពាំង ប្រតិកម្ម នឹងអាជ្ញាធរយួន ដែលបំពាក់ឧបករណ៍បំពងសម្លេងនៅក្នុងវត្ត ធ្វើឲ្យរំខាន ដល់ការស្វាធ្យាយធម៌ របស់ពុទ្ធបរិស័ទ
ថ្មី ៗ នេះអាជ្ញាធរ យួនខេត្ត ព្រះត្រពាំង បានពំពាក់ឧបករណ៍ បំពងសម្លេង នៅតាមវត្តអារាម មួយចំនួន នៅក្នុងខេត្ត ប្រយោជន៍ដើម្បី ផ្សាយបន្តផ្ទាល់នូវកម្មវិធីនានា របស់វិទ្យុផ្សាយសម្លេងក្នុងខេត្ត ។ ជាហេតុធ្វើឲ្យពលរដ្ឋខ្មែរភាគច្រើនប្រតិកម្ម ថាជាការរំខានដល់ការសិក្សា រៀនសូត្តរបស់ព្រះសង្ឃ រំខានដល់ការស្វាធ្យាយធររបស់ព្រះសង្ឃ និងពុទ្ធបរិស័ទទៀតផង ។ ហើយការបំពាក់ ឧបករណ៍នេះទៀតសោត មិនមែនជាករពេញចិត្ត ពេញថ្លើមពីសំណាក់ព្រះសង្ឃ ឬ ពុទ្ធបរិស័ទ ចំណុះជើងវត្តនិមួយ ៗ នោះទេ តែជាការមកបំពាក់ តាមវត្តអារាមរបៀបបង្ខំ តែម្ដង ។ រី ឯ ពុទ្ធបរិស័ទ និងព្រះសង្ឃ ចំណុះជើងវត្តនិមួយ ៗ បានត្រឹមតែនៅស្ងៀមហួសចិត្តតែប៉ុណ្ណោះ ។ » អានបន្ថែម »
ព្រះសង្ឃខ្មែរកម្ពុជាក្រោម១អង្គត្រូវវៀតណាមបង្ខំ ឲ្យត្រឡប់ទៅថៃវិញ
ក្រុមនគរបាលប្រទេសវៀតណាម ចំនួនប្រមាណ ៣០នាក់ បានចាប់ក្រៀក និងសែងព្រះសង្ឃខ្មែរកម្ពុជាក្រោមមួយអង្គ ព្រះនាម ថាច់ វាសនា ពីប្រលានយន្តហោះ ក្រុងព្រៃនគរ ចូលក្នុងយន្តហោះពាណិជ្ជកម្មថៃ ដើម្បីបញ្ជូនទៅប្រទេសថៃវិញ។
ព្រះសង្ឃខ្មែរកម្ពុជាក្រោមមួយអង្គ ដែលអាជ្ញាធរវៀតណាមបានចាប់បញ្ជូនចេញពីទីក្រុងព្រៃនគរ ឬទីក្រុងហូជីមិញ ប្រទេសវៀតណាម ឲ្យត្រឡប់ទៅកាន់ប្រទេសថៃវិញនោះ កំពុងតែលាក់ខ្លួននៅក្នុងវត្តអារាមមួយ ក្នុងទីក្រុងបាងកក ប្រទេសថៃ ដើម្បីសុវត្ថិភាពផ្ទាល់ខ្លួន ក្រោយពីការចាប់បញ្ជូនថ្មីៗនេះ។ » អានបន្ថែម »
វៀតណាមបដិសេធមិនឲ្យព្រះសង្ឃខ្មែរក្រោម១អង្គចូលស្រុក
ព្រះសង្ឃខ្មែរក្រោម១អង្គ ព្រះនាម ថាច់ វាសនា ព្រះជន្ម ២៩ព្រះវស្សា ដែលធ្វើដំណើរតាមជើងយន្តហោះ ពីក្រុងបាងកកទៅកាន់ក្រុងហូជីមិញ ត្រូវបានប៉ូលសវៀតណាមនៅព្រលានយន្តហោះឃាត់ខ្លួន នៅថ្ងៃទី១ មេសានេះ និងបង្ខំឲ្យឡើងយន្តហោះត្រឡប់ទៅក្រុងបាងកកវិញ។ ព្រះ សង្ឃខ្មែរកម្ពុជាក្រោម ថាច់ វាសនា បានមានព្រះថេរដីកាតាមទូរស័ព្ទពីទីក្រុងហូជីមិញឲ្យដឹងថា ក្រោយពេលមកបួសរៀននៅក្រុងភ្នំពេញ ព្រះអង្គបានចាកចេញទៅរៀនបន្តវិជ្ជានៅក្រុងបាងកក ប្រទេសថៃ រយៈពេល ៣ឆ្នាំ ហើយនៅថ្ងៃទី១ មេសានេះ ព្រះអង្គក៏បាននិមន្តចេញពីបាងកកទៅក្រុងហូជីមិញ ប្រទេសវៀតណាម ដើម្បីទៅលេងស្រុកកំណើតនៅភូមិជ្រៃតាស ឃុំដើមជ្រៃ ស្រុកមាត់សមុទ្រ ខេត្តព្រះត្រពាំង ប្រទេសវៀតណាម។ » អានបន្ថែម »
ខ្មែរក្រោម១៧នាក់ព្យាយាមសុំសិទ្ធិជនភៀសខ្លួនពី UNHCR
ពលរដ្ឋខ្មែរកម្ពុជាក្រោម ១៧នាក់ បានតវ៉ាជាថ្មីម្ដងទៀត សុំឲ្យអង្គការ UNHCR ទទួលយកពួកគាត់ជាជនភៀសខ្លួនស្របច្បាប់ ដើម្បីទៅរស់នៅប្រទេសទី៣ ប៉ុន្តែត្រូវបានបដិសេធ។
ពលរដ្ឋខ្មែរកម្ពុជាក្រោម ១៧នាក់ ស្មើនឹង ៦គ្រួសារ នៅថៃ្ងច័ន្ទនេះបានសំដែងការតវ៉ាជាថ្មីទៀតសុំឲ្យការិយាល័យឧត្ដម ស្នងការអង្គការសហប្រជាជាតិ (អ.ស.ប.) ទទួលបន្ទុកជនភៀសខ្លួន (UNHCR) ប្រចាំនៅកម្ពុជា ទទួលយកពួកគាត់ជាជនភៀសខ្លួនស្របច្បាប់ ដើម្បីទៅរស់នៅក្នុងប្រទេសទី៣ ក្រោយពីអាជ្ញាធរកម្ពុជាមិនព្រមចេញឯកសារ ឬអត្តសញ្ញាណប័ណ្ណនានាឲ្យពួកគាត់ ដើម្បីរស់នៅស្របច្បាប់ក្នុងប្រទេសកម្ពុជា។ » អានបន្ថែម »
No comments:
Post a Comment